New concept completed with great success

Dus chors romontschs dattan concert cun fetg grond success
„What a delightful concert it was tonight in the St. Martin's church in Baar with the Bündner Gemischter Chor Zürich and Chor Rumantsch Zug singing a capella Romansh hymns and songs in a variety of dialects of the Rhaeto-Romance language”, aschia tuna ina vusch ord nies multifar publicum da lunsch e da maneivel sin Twitter. E da quei meini ein era aunc bia auters partiziponts dal concert da giubileum a Baar e Richterswil.
Cun in fetg variont program eis ei senza dubi reussiu al Chor Rumantsch Zug ed al Chor Maschadà Grischun Turitg da dar ina buna tempra ed in spezial accent per il giubileum “80 onns Rätoromontsch sco quart lungatg svizer”. Ils dus chors han completau in l’ auter sin favoreivla moda, aschia ch’ els han contenschiu ina respectabla, gie per part eccelenta prestaziun. Ed era quei che pertucca il repertori e la tensiun dil tun ha il concert da giubileum giu ina variaziun tut speziala. Dad ina vart il CRZ cun siu ferm e voluminus tien, - el ei vegnius completaus da plirs cantadurs ad hoc – ei veramein predestinaus per interpretar e presentar las differentas composiziuns da tempra virila. Da l‘ autra vart ha il CMGT perschuadiu las audituras ed ils auditurs cun siu bi program. El ha cantau ulivau e ruasseivel. Curdau si ei era la fetg cultivada dinamica en sias presentaziuns.
Las duos seras da concert da la sonda ils 26 da matg 2018 en la baselgia da s. Martin a Baar e la dumengia ils 27 da matg 2018 en la baselgia reformada a Richterswil tegnan ils dus chors segir e buna memoria sco bien exempel per buna cooperaziun ed eccelent success. Quei ei per omisdus chors animaziun, mo era obligaziun!
Nies fideivel publicum spatga gia ussa sin ina continuaziun els proxims onns. Lein mirar.
Robert Hitz, Baar