Guggenmusig Wäichbächer

Musik

Cham

Willkomme im Guggemusig Wäichbächer!

D'Idee, en Guuggemusig z'grönde, esch äigentlech us mene simple Grund entstande. En gwössne  Roger Annen ond en Remo Zemp händ im Sommer 95 die Idee gha, well sie dänkt händ, dass sie nie ond nimmer innere Guuggemusig in Cham ufgno wärdid. So esch dä Gedankeblitz cho, dass mer also Lüüt mössti sueche zom en noii Guugge grönde und das Projekt in Aagriff näh. Kollege send aaquatscht worde, Onbekannti, hirnrissigi, intelligänti, intellektuelli, jongi weldi ond normali Lüüt. Um z’gseh, wievell Persone jetzt tatsächlech wänd mitzottle, esch en Setzig im Restaurant Sternen z'Cham aagsäid worde. Ond tatsächlech, es händ sech doch glatt nüün Lüüt detäne verloffe.
Wieso nome so vell cho send, erklärt sech eso: Velli händ  gmäint, es sig en Witz ond anderi händs anschiinend vergässe. Aber die nüün, wo dete gsi send, händ gmäint, dass mer jetzt ned setti ufgäh, sondern erscht rächt dorezieh. Mer hed sech sodann of de 29. Februar 1996 geinigt, om’s dete no äinisch z’probiere.
Was niemert gahnt hed, esch gsi, dass det scho fascht en Öberrumplig stattgfunde het. Zom Glöck hed die Versammlig im Restaurant Kreuz in Cham stattgfonde.
Denn a dem Orientierigsobig send schlossändlech zirka 80 Auge aawesend gsi, wo wäge dem Projekt cho send. Also hed mer a dem Obig dä Verein gröndet. Was das för d'Zuekonft bedüüted, hämmer aber dete absolut nonig gwösst.

Achtung: Diese Anzeige ist nicht mehr aktuell.

Ähnliche Anzeigen suchen